concheiros

27 de Maio, agora nos concellos

2007-05-29T21:02:00.000+02:00

Facendo unha breve reflexión sobre os resultados eleitorais do pasado domingo parece a primeira vista que non cambio nada en Galiza, en votos poderiamos case afirmar esta idea, pero máis ala dos números globais temos que mirar concello a concello.

O Partido Popular recupera parte do voto perdido nas cidades fai 4 ou 8 anos pero con nulo resultado no que se refiere a gobernos. Naquela ocasión as cidades perderon o medo ao cambio, especialmente no referido ao BNG tantos anos "estigmatizado" con múltiples acusacións de violencia, de ser os do NON, ou de escasa competencia, ... agora foron as restantes vilas e pobos de Galiza os que se atreveron a votar ao BNG, no que pode ser o cambio máis fundamental nestas eleccións.

A presenza do BNG nos fúturos gobernos de moitas vilas e pobos de Galiza, cunha distribución moi heteroxenea por exemplo coas maiorías absolutas de Monforte ou Vilasantar, ou os espectaculares resultados en Ribadeo ou Teo pon fin aos teitos que tiñamos historicamente deixando o exito ou fracaso dos resultados en función da capacidade de presentar unha persoa e proposta acertada e ilusionante en cada un dos concellos, pasamos a convertirnos nunha forza política máis en todo o Pais que depende sobre todo dela mesma. A presenza do BNG do actual goberno autonómico eliminou polos feitos todas as sospeitas que aínda quedaban en parte da poboación sobre a seriedade, racionalidade e capacidade do BNG nuns feitos que non teñen xa volta atrás.

Os resultados do domingo e os case dous anos de goberno consolidan os maiores temores do PSdG e do PP, agora somos tres a competir en todo o territorio e en todas e todos os posibles votantes, xa non existen bolsas de votos exclusivas para algunhas forzas políticas e todas podemos optar ao 100% dos mesmos (!!! Perdoar esquencianme da emigración !!! ).

Festas do Barrio de San Pedro 2005

2005-06-29T00:04:00.000+02:00

PROGRAMA e WEB: http://www.festasbarriosanpedro.info/

Venres 1

20.00 h: Gaiteiros de Brincadeira e cabezudos.
21.00 h: Pregón a cargo de Paula Carballeira na Praza do Cruceiro de San Pedro.
21.30 h: Foliada na Porta do Camiño. Presenta Pepa Yáñez. Pandereteiras de Brincadeira. Fiandola. Serra-lhe aí!
24.00 h: Noite do lastro na Porta do Camiño con: LAMATUMBÁ e NON RESIDENTZ

Sábado 2
11.00 h: Pasarrúas: Xilbarbeira e cabezudos.
12.00 h: Teatro infantil no Parque da Trisca: "Recuento cuentos" (Cuba).
13.30 h: Sesión vermú no Cruveiro de San Pedro: Orquestra Costa Dourada.
18.30 h: Teatro: Mariclown na Praciña de San Pedro.
20.00 h: Encontro de corais. Igrexa de Bonaval: Coral A Xuntanza. Coral Virxe da Guadalupe. Coral Coto da Nai.
22.30 h: Verbena: Orquestra Costa Dourada.

Domingo 3
11.00 h: Pasarrúas: Quarteto da Gentalha e cabezudos.
11.00 h: Feira de artesanía na Rúa de San Pedro.
12.00 h: Banda Municipal de Música no Parque da Trisca.
13.00 h: Grupo de baile A Xuntanza.
13.30 h: ROMARÍA POPULAR, con polbeira e churrascada. Murga Os Estalotes. Xilbarbeira. Quarteto da Gentalha. Luís Caruncho e Pinto de Herbón (Haberá carpa e inchábeis para as cativas e cativos).

Agora si que foi: www.destafoi.com

2005-06-28T03:56:00.000+02:00

Agora si que foi, centos de persoas concentranse na praza de quintana para celebrar a vitoria eleitoral, mentrás a TVG cambiaba a pelicula programada do "Prezo do Poder" por "Escribiuse un crime" Vieiros nos informou puntualmente do desenvolvemento da derradeira xornada eleitoral.

Fraga non podia marcharse tiñamoslo que botar e BOTAMO-LOS.

Fin de Semana movido

2005-06-24T18:06:00.000+02:00

En Compostela temos unha fin de semana movida, cada un dos 3 encontros programados representa unha parte da sociedade que queremos e estamos construíndo:

-> O sábado 25 os colectivos Gay de Compostela e Mulleres Lésbicas e Bisexuais de Galiza celebrán o día do orgullo gay cunha manifestación ás 20:00 no Toural. O lema escollido é: "Somos os teus veciños, somos as túas veciñas."

-> O domingo 26 seguindo a Chamada Mundial á Acción contra a Pobreza e co lema Pobreza Cero , a Coordenadora Galega de ONG´s para o Desenvolvemento convoca unha concentración na Praza do Toural a partir das once da mañá. A leitura do manifesto terá lugar ao mediodía por parte da actriz Mónica Díaz, membro de Burla Negra.

-> Tamén o domingo 26 ás 13:00 unha cadea humana en Compostela unira as estatuas de Castelao e Pablo Iglesias, co lema "Gañamos Nós". Un acto cívico no que a cidadanía se autoconvoca por internet para festexar o cambio que saiu das urnas o 19X, pase o que pase na quinta provincia. Hai que decirlles por si no o saben que gañamos nós.

Proposición de Lei do BNG sobre o voto CERA

2005-06-23T18:30:00.000+02:00

O pasado 23 de abril de 2004 o BNG presentou unha Proposición de Lei referida á reforma paracial da Lei Eleitoral (LOREG). Votaron en contra por diferentes motivos o PP e o PSOE. Non vale agora decir que todos os partidos tivemos a mesma actitude frente as garantías do voto emigrante. (anteriormente no 2000 e 2001 o BNG presentou iniciativas equivalentes)

< PDF Proposición de Lei - PDF debate proposición - Grazas a Co>

Na exposición de motivos deciamos:

"El Régimen Electoral General (LOREG) contempla el voto por correo como una modalidad excepcional para facilitar la participación de los electores que no pueden personarse en las mesas electorales. En cambio, esa modalidad fue elegida como única vía para que los electores residentes ausentes puedan ejercer el derecho al voto. La presente proposición de ley pretende equiparar el procedimiento de votación de los residentes en el exterior, con el establecimiento de la votación directa en mesas instaladas en embajadas, consulados y demás centros y locales públicos españoles en el extranjero como el procedimiento normal también para los residentes en el exterior y la consideración del voto por correo como procedimiento excepcional y de carácter rogado."

Na resposta do PP podemos ler:

"Asimismo, rechazamos de plano algo que se afirma en la exposición de motivos de esta proposición, y que hoy ha vuelto a ser repetido desde la tribuna, acerca de que en cada proceso electoral se detectan irregularidades en los envíos electorales.

Debo señalar que todas las denuncias que se han producido sobre esta cuestión han sido rechazadas y cuando ese rechazo viene dado en vía judicial la conclusión solo puede ser la carencia de fundamento de las mismas. Yo soy de los que piensan que ni el nerviosismo preelectoral ni tan siquiera el legítimo debate parlamentario dan derecho a decir cualquier cosa. Por eso, tener que escuchar algunas de las cosas que se han dicho en la tarde de hoy por alguno de los intervinientes solo me produce un profundo rechazo.

Ya estábamos acostumbrados a oír a algunos en la pasada legislatura, personas que ya no están en la Cámara, hablar de irregularidades, de manipulaciones del censo, de manipulaciones de los sobres de votación, de la vulneración del carácter libre, secreto y personal del voto, que son acusaciones todas ellas muy graves y que siempre se han realizado sin ninguna prueba, sin tener un solo dato y sin tener la mínima evidencia de ellas. Por cierto, señor Rodríguez, todas las mayorías del Partido Popular en Galicia han sido obtenidas por mayoría absoluta holgada, sin esperar tan siquiera al resultado del escrutinio general ni del escrutinio del voto de los residentes ausentes. "

Había que botalos !!! e BOTAMO-LOS.

Rematamos cos 69 anos do Reximen # NON falta ningún día

2005-06-20T05:02:00.000+02:00

Valeirando de monicreques a Xunta

Desta foi, non si difultades e incertidumes ata o último momento, pero desta rematamos cos 69 anos do reximen e 16 anos de goberno Fraga. Con escaso marxen e non faltarón as dúbidas na noite eleitoral, pero así é como se realizan as grandes tarefas, para que sepamos apreciar as dficultades da empresa, para que tomemos conciencia da transcendencia do momento, para que apreciemos cada esforzo realizado en botalos, cada liña dun blog, cada cm. de película, cada SMS, cada mitin, cada cartaz, cada folleto, cada liña do programa, cada chamada ou conversa con un veciño, ...

69 anos estando alí, fixeronos crer que sempre estarian alí, como a Catedral de Santiago ou os montes do Courel, no momento de botalos aínda tivemos que superar o shock do perenne. Pero os vindeiros días os veremos empaquetar as súas cosas, dexaloxar a Residencia de Mote Pio, baixarse dos coches oficiais, ... e veremos abrir as fiestras de Administración e do País, veremos entrar un aire fresco en Galiza, e teremos a posibilidade de construír un País Novo.

Había que botalos !!! e BOTAMO-LOS.

Nota: Unhas breves contas sobre o último de Pontevedra.

Co 100% do voto o PP ten 223.588 votos e 10 diputados, o PSOE ten 168.549 votos e 8 diputados, algunos escenarios tendo o voto CERA serian:

o PP con 8162 e o PSOE con 0 votos (223.588+8.162)/11=(168.549+0)/8 (EMPATE)

o PP con 13292 e o PSOE con 4559 votos (223.588+13.292)/11 < (168.549+4.559)/8 (Voto CERA Pontevedra 2001 no que ganaria o diputado o PSOE) o PSOE con 6.000 votos implica que o PP necesita 16.417 votos no CERA, máis de 10.417 votos por riba do PSOE. (223.588+16417)/11 > (168.549+6.000)/8

É moi, moi, díficil que poidera darse algún escenario favorable ao PP cos votos estimados do CERA por Pontevedra.

En función do voto do PSOE podes calcular o voto mínimo necesario para que cambie o deputado:

(((168.549 + votoPSOECERA) / 8)*11)-223.588 = votoPPCERA

Unha aperta e DESTAFOI. Antonio.

http://www.concheiros.blogspot.com/

¿Qué din os rumorosos ... # Falta 1 día

2005-06-17T18:37:00.000+02:00

Imaxen de Aduaneiros sen Fronteiras

Din os rumorosos ... que nun País onde gobernaba o mesmo Presidente durante moitos, moitos anos, máis dos que os seus cidadáns terián que ter soportado, nas vésperas dunhas eleccións pasaron cousas estranas:

- Os servizos informáticos enviarón escritos aos altos cargos da Administración, recordandolles que existía un servizo gratuíto de limpeza de arquivos vellos nos ordenadores, sustitución de discos duros, ... e outras tarefas rutinarias de mantemento informático.

- Nas datas previas ás eleccións incrementouso significativamente a venda de destructoras de papel. A pesar do calor existente, nos comercios eran estas e non os aparellos de aire acondicionado os electrodomésticos esgotados.

- Os responsables dunha das empresas de informática que traballaban para a Administración xuntaron aos empregados, maioritariamente traballadores en precario, e explicaronlles que: "si gañan os de sempre imos a ter contratos por 4 novos anos, pero si gañan os outros ufff !!!!" Seguirón dicindo: "por suposto cada quen que vote o que considere, pero a nosa obriga era avisarvos para que poiderades actuar en consecuencia o día da votación, e logo non o lamentedes"

- Din tamén que dende o despacho oficial máis próximo ao Presidente enviaronse cartas en nome da Administración invitando aos altos cargos e simpatizantes a festa de celebración. Nestas eleccións non era o partido do Presidente o que se presentaba, se non a propia Administración contra os partidos da oposición.

Menos mal que en Galiza temos unha verdadeira democracia, con transparencia, debates cos candidatos, información veraz, secreto de voto sen coaccións, alternancia, ... Menos mal que foi noutro País.

Os tempos son chegados ...

O Presidente Rosmon # Faltan 2 días

2005-06-16T20:03:00.000+02:00

Como ben pregunta Quin nos mitines "Queremos un presidente rosmon, caduco, ...?" a campaña elitoral destapaou para os que non o tiverán xa claro o talante de Fraga.

Fraga monta en coléra cando o responsable do seu gabinete de comunicación lle indica que ten que colocarse a chaqueta, ... Descarga o video

"Fraga -…¡Quiere usted hacer el puñetero favor de largarse de aquí!
Cabaleiro -Señor presidente, es que tengo que hacer las cosas que…
-¡No va a usted a hacer nada ya! ¡Lárguese!
-La chaqueta la tiene mal…
-O se larga usted ahora mismo…
-Pues haga lo que le dé la gana.
-Eso voy a hacer.
-Tiene la chaqueta mal puesta.
-¡Tóqueme usted las narices! ¡Y lárguese! "

Leo hoxe en Vieiros: O PP congratúlase da difusión da bronca do candidato Que sinxelo é abroncar a un subalterno, a explicación de que nestes insultos demostra a súa enerxía despois dos 8 anos que pasou calado co goberno de Aznar é un insulto para todos e todas os galegos e galegas.

Mitin en San Pedro # Faltan 4 días

2005-06-15T23:04:00.000+02:00

Hoxe tivemos mitin do BNG no noso barrio de San Pedro, para os que non coñezan Compostela Concheiros é unha das principais rúas de San Pedro.

Suso Veiga ao remate da súa intervencción explicou por que destavai Fraga á oposición, comentou 3 circustancias que non concurriran no 2001:

1. No 2001 o PSOE non queria gobernar, a mesma noite eleitoral celebrarón con champagne casi ter alcanzado ao BNG, a pesar de que tiveron 17 deputados e 41 o PP. Agora isto mudou radicalmente.

2. A xente fartouse do PP, como moi ben di Quin "estamos aburridos do PP". As mobilizacións primeiro contra a LOU, logo o Prestige e a Guerra, ... mudaron os animos e a conciencia de moitos galegos e galegas. Co Prestige caeu o mito de Fraga que tiña parte da poboación galega e nunca foi capaz de recuperase.

3. Poucos meses antes acababa de ser o atentado do 11-S e na campaña as eleccións Galegas o PP utilizouno permanentemente contra o BNG, chamaronos talibáns reiteradamente e nese momento a poboación estaba nun certo estado de shock, non só pola magnitude do atentado se non pola forte presión mediática que existía.

4. Baltar engadiu unha cuarta razón: "Don Manuel, se nos han muerto 100.000 votos"

Hai que paralos # Faltan 6 días

2005-06-13T23:22:00.000+02:00

Onte nun foro non oficial do PP de Galicia, apareceu a seguinte mensaxe (aínda sigue visible no enlace orixinal), por certo tampouco é moito mellor o que aparece no foro oficial do PP:

"Hola me he enterado que el 19-J habrá doscientas cámaras gravando colegios electorales, sobre todo en el interior de las provincias de Lugo y de Ourense.

A nosotros ya nos dieron órdenes de que tengamos mucho cuidado y creo que vamos a intentar dejar a las personas que llevaremos a votar a más de doscientos metros del colegio electoral (en ese caso no es delito) y que usemos varios coches para disimular.

El taxista del pueblo se turnará con el del pueblo vecino para llevar a la gente, hay que dejarse la piel, pero con mucho cuidado porque igual alguno acaba en Comisaría."

A resposta dun par de militantes do PP de Ourense tampouco teñen desperdicio:

"Entendemos tu preocupación y la compartimos. A pesar de todo, el PP ganará las elecciones, sobre todo porque las encuestas no reflejan los datos de la emigración, en la cual ya tenemos consolidado el voto desde hace tiempo. Además, aprovecho para recordarte que llevar a tus abuelos , tíos o familiares a ejercer su legítimo derecho al sufragio no es delito SINO UNA OBRA DE CARIDAD. Que pretendes, pues, dejar que vayan a votar ANDANDO?

Porque haya sinvergüenzas que digan que llevar a min paisanos a votar soy un delincuente, no voya dejar de hacerlo, es más ESTE AÑO ES QUE VOY A MOJARME MAS. Hay que dejarlo todo por el partido. Nos jugamos demasiado y no podemos perder estas elecciones."

"Yo también me dejaré la piel, y no me importa si me detienen porque creo que Don José Luis me sacará de Comisaría, a nadie le pueden hacer nada por llevar a votar a unos vecinos o familiares... de momento no es un delito.

No podemos permitir que nos ganen estas elecciones, y si no hay votos... se robarán "

O Domingo o que non este nunha mesa de interventor que colla a súa camara e vaia na busqueda do "carretador". Hai que paralos !!! Hai que Botalos !!!

Non debia subir tanto !!! # Faltan 9 días

2005-06-10T17:17:00.000+02:00

No barómetro diario que publica La Voz de Galicia cada día, hoxe formulan unha nova lei matematica polo que na gráfica o 25,7 % de votos que hoxe lle otorga ao BNG esta moi por debaixo do 24,6 % do pasado 7 de xuño. Tal vez achegabase demasiado aos porcentaxes que lle otorgan ao PP e PSOE ???

Por outro lado Vieiros pública unhas boas fotos de como o PP utiliza os medios públicos no seu proveito, este caso os de extinción de incendios.

Fragagá: 16 anos de letargo. # Faltan 9 días

2005-06-10T17:06:00.000+02:00

16 anos recorrendo Galicia en coche oficial de paparota en paparota, 16 anos de inmovilismo político, 16 anos de sonecas no parlamento, ... 16 anos perdidos!!

fragaga.org presenta o doocumental definitivo que resume os mellores momentos da frenética actividade de Fraga como presidente da Xunta:
Esperta Galicia! (Flash, 536K)

Hoxe coas prisas da campaña non dín publicado nada, así que tomo prestado de fragaga.org un dos mellores montaxes da campaña, escoitar ata o final.

Batuque Galego # Faltan 11 días

2005-06-08T23:35:00.000+02:00

Hoxe a tarde fixemos un reparto de propaganda "moito orixinal", fumos sonando dende a Praza Roxa ata a Praza de Praterias acompañados do Tropico de Grelos, Batucada Brasileira ou como prefiren eles Batuque Galego, tiverón un espectacular exito nas distintas prazas nas que paramos.

O venres repetimos comezando as 18:30 na Praza Roxa e rematando no Auditorio sobre as 20:00 para chegar a tempo do mitín comarcal do BNG. A cousa debe estar cambiando en galego por que rifabanse a propaganda do BNG e as pegatas de Quin Presidente.

Fraga cae na rede. # Faltan 13 días

2005-06-06T23:03:00.000+02:00

Fraga cae na rede. Ducias de blogs e páxinas web contan os "milagres de Fraga", poñen de manifesto a súa incompetencia, ou advirten do seu pasado franquista.

Parabéns a todos e todas os que dende a rede axudades a Botalos !!! Destavai, de paso, malo de aturar, arroutada noticias, cousas de imeneo, xoubas, contra discurso, galego de seu, todo nada, deposito, Fraga naufraga, paleon.net, dinis, o reverso, a regueifa, concheiros.net, Carmen Adán, e tantos outros que tecen na rede a rede para sacar a Fraga do goberno de Galiza.

Animadevós a engancharnos nas ligazóns correspondentes e enviar outros blogs semellantes. Podemos enredar aínda máis a rede para que non teñan xeito de escapar.

Ponlles freo aos roedores # Faltan 14 días

2005-06-05T22:23:00.000+02:00

Hoxe facendo un reparto de propaganda do BNG na saída de misa da Parroquía de Marantes, coindimos cunha veciña que repartia esta curiosa propaganda do Concello de Santiago de Compostela. En campaña eleitoral as comparacións son odiosas, cito textualmente parte do folleto, cada quen que faga as súas sustitucións.

"Ponlles freo aos ROEDORES.

Os roedores son un problema colectivo, e coa túa colaboración evitaremos que un pequeno acontecemento se converta nunha praga que nos termine afectando a todos.

Se detecta a presenza de roedores na vía pública ou nas inmediacións das vivendas, chama ao teléfono: 981 941 485.

É un servizo gratuíto do Concello de Santiago Concellería de Sanidade. Grazas pola túa colaboración."

Os últimos 15 días de Fraga no goberno # Faltan 15 días

2005-06-04T12:17:00.000+02:00

Marca os últimos días de Fraga no calendario de Xuño. Xa vai !!!

Si manteñes un blog podes atopar e utilizar os calendarios xa elaborados ata o videiro día 19 de xuño en http://photos1.blogger.com/img/228/3429/320/xunho??.jpg ou en http://www.haiquebotalos.blogspot.com/

Manifestación ENCE fora da ría! # Faltan 19 días

2005-05-31T23:24:00.000+02:00

Manifestación

ENCE fora da ría! coa saúde e o ambiente non se negocia

4 de xuño. 20:30 Praza da Ferreiría. Pontevedra

O complexo CELULOSAS-ELNOSA é un dos principais focos de contaminación industrial do país. A súa ubicación en Lourizán, no fondo da ría de Pontevedra, é claramente inadecuada, polo que a Asociación para a Defensa Ecolóxica de Galiza (ADEGA) sempre defendeu o peche deste complexo industrial na súa localización actual.

ADEGA entende que o desenvolvemento sostíbel de Pontevedra e do resto dos municipios da ría non pode prescindir da explotación racional dos recursos turísticos, marisqueiros e pesqueiros, para a cal é necesario o saneamento e a recuperación da ría, hoxe fortemente degradada por vertidos urbanos e industriais, e dun xeito fundamental polos de naturaleza orgánica e química procedentes do complexo CELULOSAS-ELNOSA. Por outro lado, a contaminación do complexo está a incidir de forma negativa na saúde pública.

Por certo merece a pena a web: Ence Busca sitio (EBS)

Pulseiras Destavai: podes axudar na campaña # Faltan 19 días

2005-05-31T12:40:00.000+02:00

Destavai saca á rúa pulseiras para espallar as arelas dun cambio nacionalista en Galiza e de paso achegar recursos á campaña do BNG. Como sabes as campañas do BNG fináncianse na súa maior parte coas achegas dos seus militantes, simpatizantes e cargos institucionais e co seu traballo desinteresado. Ao mercar unha pulseira axudas economicamente á campaña do Bloque.

Examen final de Photoshop en Corea # Faltan 21 días

2005-05-29T20:36:00.000+02:00

Examen final de Photoshop nunha das escolas de deseño gráfico de máis nivel de Corea, a complexidade da proba da mostras do ben preparados que saen os estudiantes coreanos.

(grazas a Isabel)

A extinción dos dinosaurios # Faltan 28 días

2005-05-22T13:19:00.000+02:00

Faltan 28 días para a extinción do dinosaurio autóctono, o pasado fin de semana estiven en Asturias e pasei a ver o Museo do Jurásico de Asturias e aprendin moitas cousas sobre os dinosaurios e a súa extinción, como podedes imaxinarvos a menos dun més das eleccións galegas fixen as miñas comparacións cos dinosaurios autóctonos.

Unha das salas intenta mostrar as distintas explicacións de porque desaparecerón no periodo Cretácico, as máis divertidas permiten a comparación coa situación actual galega:

Pereceron durante o Diluvio Universal dado que, por algunha razón non explicada, non foron recollidos por Noé na súa Arca. (sic)
Os dinosaurios eran animais lentos, pesados e estúpidos incapaces de adaptarse a calquera transformación no medio. (sic)
Foron exterminados por pequenos cazadores verdes extraterestres. (sic)
Os dinosaurios carnivoros se comieron a todos os herviboros o que imposibilitou a súa propia supervivencia. (sic)
A febre, o costipado ou cualquiera outra epidemia rematou con eles. (sic)

O 20 de xuño os analistas empezaran a buscar as causas da desaparición do dinasaurio galego: a incompetencia, a incapacidade, a corrupción, a mentira, a autocomplacencia, e en última medida o pobo galego.

Inaguracións estelares # Faltan 37 días

2005-05-13T20:56:00.000+02:00

Fraga comenzou a súa viaxe de inaguracións estelares pola Arxentina, buscando por internet atopei unha curiosa relación de eventos na Centro de Galiza en Bos Aires, Fraga inagurou cada unha das habitacións, se citan ata 6 inaguracións en diferentes anos no mesmo edificio incluso nunha das visitas inagurou o "estacionamento".

Hoxe no diario La Nación de Arxentina aparece unha entrevista a Manuel Fraga, na penúltima pregunta destripa a idea da Nai:

"-¿Qué opina de la ley de matrimonios homosexuales que se aprobó en España?

-Matrimonio, por definición, es lo que permite que haya madres. Una mujer no puede ni debe tener hijos si no tiene la estabilidad del matrimonio. En este momento, la política española no favorece para nada el matrimonio. Hay una ley que se discute ahora en el Parlamento que a los seis meses, sin obligación de causa, sin mutuo disenso, sin separación previa, permite a uno decir a una mujer "mejor me voy". ¿Quién tiene un hijo en estas condiciones? Los homosexuales no producen hijos ni madres. "

Z Z Z ... # Faltan 40 días

2005-05-10T21:07:00.000+02:00

Sen comentarios, Z Z Z ...

(grazas a Moncho)

O Presidente amnésico # Faltan 44 días

2005-05-06T23:09:00.000+02:00

Fraga ven de anunciar hoxe ás súas páxinas eleitorais baixo o dominio FragaPresidente.com. Dous feitos sorprendentes, desaparecen 54 anos da sua biografía, salta directamente dende o seu nacemento en Vilalba no ano 1922 ata o ano 1976, ou quedou amnésico, ou foi abducido polos extraterrestres ou por fin ten vergoña do seu pasado franquista.

Por desgraza posiblemente só sexa unha estratexia eleitoral, ao igual que a foto do cartel; por certo as fotos do banner deste post son todas da páxina web do PP, parece que o fotógrafo non está inspirado todos os días, ou serán distintos personaxes?

Según me comenta un amigo policia: nas oficiñas de criminalistica (CSI) da Coruña, probaron a comparar a foto do Cartel de Fraga con outra recente no programa de recoñecemento facial de sospeitos e deu NEGATIVO !!!

Por último, hoxe estiven na inaguración de "Docentia, Salón Monográfico da Educación Superior" e Fraga deu un dos seus peores discursos, chegando ao desprezo dos asistentes cando despois de facer o discurso en Castelán, nos di que agora vai a falar na lingua vernacula de Galiza, e traducese a si mesmo os últimos 5 minutos por que necesitaban imaxenes en Galego para o Telexornal.

Quin xa ten blog # Faltan 45 días

2005-05-05T21:16:00.000+02:00

Quin2005.com, é o dominio escollido por Anxo Quintana para o seu blog, xa na benvida aparece un Quin sinceiro e directo: "Quero darvos a benvida a esta pequena xanela que nos permitirá compartir un espazo, aínda que virtual, pero cercano e directo. Polo menos para iso están estas modernidades tecnolóxicas que ao primeiro me custaban un pouco pero das que son agora un entusiasta."
Pero o mellor e votarlle unha ollada e animarse a participar.

O Mundo Disney manifestase contra Fraga # Faltan 48 días

2005-05-02T19:12:00.000+02:00

O mundo Disney manifestouse onte nas rúas de Compostela en protesta polas últimas actuacións de Manuel Fraga. Bambi protestou enerxicamente en solidariedade co Corzo e pidio que Fraga se retirara da política e da caza inmediatamente.

Todos os personaxes Disney asinaron un manifesto no que decían que "por favor non máis PP, xa chegou dabondo" en referencia o lema-ameaza da precampaña do Partido Popular.

O Capitan Garfio, Cruela de Vil e o cocodrilo solicitaban que non aparecera nunca máis en público, que para malos xa estaban eles. Pinocho reclamaba para si o dereito a mentir, e acusaba a Ñúñez Feijóo de competencia desleal na mentira. Pluto reclamaba novas oportunidades "estou farto desta vida de can que nos propoñe o PP".

Un País Novo máis preparados para gobernar # Faltan 52 días

2005-04-29T19:35:00.000+02:00

Un País Novo máis preparados para gobernar ...

O PP outra cousa non é, pero atrevidos un rato, despois de falar fai úns días do Prestigio "Prestige" do PP fronte a avenura do BNG e do PSOE; hoxe anuncian como lema de precampaña: "máis" recordandonos de novo as denuncias da Plataforma Nunca Máis.

O BNG atrevese cun lema xuvenil: " Un País Novo", para mín o máis acertado dos tres, é precisamente a ilusión no novo, no cambio ou que debería mover o voto nestas eleccións.

O lema do PSOE "preparados para gobernar ..." tampouco é malo, aínda que un pouco longo, intenta transmitir a idea de goberno e de preparación. Máis curiosa é a páxina web coa tenda do PSOE: tutiendapsoe.com que na sección de productos ofrece: congresos, mítins, decoración ou xogos. ¿?

Bos Aires, terceira cidade censo galego # Faltan 54 días

2005-04-27T19:30:00.000+02:00

Nas vindeiras eleccións Bos Aires será a terceira ciudade con maior censo eleitoral galego, só as cidades de A Coruña e Vigo contan cun censo superior ao de Bos Aires, que concentra máis de 90.000 votantes, rebasando a Ourense (88.863), Santiago (77.208), Lugo (75.028), Ferrol (65.092) e Pontevedra (63.872).O censo en Galiza está estancado pero no exterior, a pesar de que nos últimos meses o Goberno retomou a eliminaciçón dos xa falecidos que siguen aparecendo no censo, o corpo eleitoral no exterior non para de crecer. Respecto ao 2001, hai 36.766 votantes máis, ata chegar aos 305.218, cunha suba que triplica á rexistrada en Galiza.

Tamén en Bos Aires temos que Botalos!!!Quin fara campaña a finais de maio en Arxentina, Uruguai e Venezuela.

A batalla da información # Faltan 55 días

2005-04-26T20:11:00.000+02:00

Coa celebración mañá do primeiro debate na Cadena Ser, mércores 27 de Abril apartir das 22.00 horas, o BNG anuncia a intervención de Quin e posiciona o PP e PSOE a que fagan o proprio cos seus líderes. Comeza xa na precampaña unha das principais batallas: a da información. Diante das declaracións de Fraga de non participar en debates, Anxo Quintana afirma que “quen non está en condicións de debater, non está en condicións de gobernar”. O portavoz nacional engade que “nunha democracia minimamente avanzada ninguén se pode agachar ao escrutinio e ao control da opinión pública”.

Supoño que por parte do PP imos a atoparnos cunha campaña onde só aparezcan referencias ao pasado, pero non demasiado próximas non vai a ser que nos acordemos da xestión do Prestigue, e non demasiado lonxanas non vai a ser que nos acordemos do pasado franquista de Fraga. As razóns e as propostas non merecen, ou non poden, ser defendidas, e a chamada o sentimentalismo ou catastrofismo van a ser utilizadas polo PP constantemente na campaña.

Google e os candidatos # Faltan 57 días

2005-04-24T20:20:00.000+02:00

Ao realizar unha busca en Google dos tres principais candidatos ás eleccións Galegas podemos atopar cousas moi curiosas: "Manuel Fraga" é o máis citado con máis de 80.000 coincidencias, eso si entre as 30 primeiras case a mitade son referencias a súa biografía franquista, recordandonos o seu paso polo Instituto de Cultura Hispánica ou as súas etapas como ministro de Franco, ou a súa presenza no ano 1968 na independencia de Guinea Ecuatorial con Francisco Macias, tio de Teodoro Obiang, entre as primeiras referencias aparece un vidente que supoño no paro que aseguraba que o frio polar deste inverno mataria a Fraga.

En segundo lugar con 5.270 referencias aparece "Anxo Quintana", o primeiro que sorprende é o número tan elevado de referencias a pesar de ser o único dos 3 candidatos que se presenta por primeira vez, e que tan só ocupa a portavocía do BNG dende fai pouco máis de 2 anos. Neste caso hai menos sorpresas e as referencias na súa maioria se corresponden as súas iniciativas como Alcalde de Allariz, como o senador galego máis activo do Senado , ou máis recentemente como portavoz do BNG, chama tamén a atención que liberalismo.org se fixe en Quín.

En terceiro lugar "Emilio Pérez Touriño" con 5.180 coincidenciass, as referencias o seu traballo como Secretario Xeral do PSdeG-PSOE ocupan a maioría, chamando a atención a de un instituto de investigación da USC na que se indica que "Non dispón de currículum vítae".

A candidata # Faltan 59 días

2005-04-22T18:22:00.000+02:00

Baltar «prepara» á candidata. Baltar escolleou a unha descoñecida e neófita na vida política para encabezar a candidatura do PP en Ourense. Baltar dixo que non anunciaba o seu nome «para protexela dos medios e para que se poña ao día para saber como responder ao que lle ides preguntar e non que conteste a todo 'non sei'» ¿Canto vai a durar o cursiño de candidata? e se chega a ser parlamentaria ¿terá que facer outro curso?, ou para ser parlamentario do PP non fai falta??

Prestige ou aventura # Faltan 59 días

2005-04-22T17:50:00.000+02:00

Fraga: «Los gallegos deben elegir entre prestigio o aventura» Hoxe Fraga comeza a espantada hacia diante cun lapus lingüístico dandonos a escoller entre o "Prestigio", ou PRESTIGE en inglés, coa aventura que ofrecemos o resto das forzas políticas. Si o pon tan sinxelo non deberiamos ter moito problema en escoller outro Pres¡dente, por que por pouca memoria que teñamos os galegos e galegas todos recordamos o que facia Fraga os días do PRESTIGUE. Por certo entre as perlas de hoxe nos recordaba que aínda seguia matando corzos, fixo outra cousa dende enton, ...

! Hai que Botalos ! # Faltan 60 días

2005-04-21T17:21:00.000+02:00

Hoxe Fraga convocou as eleccións para o vindeiro 19 de xuño; según se comenta nos despachos da Xunta algúns respiraron xa que o ambiente era tan tenso entre as Consellerías e os Caciques do PP que todo o mundo comentaba que non chegaban a outubro, que non tiñan forma de prolongar máis tempo a farsa de tranquilidade, e que nos seis meses que faltaban ia a estoupar todo.

A incapacidade de gobernar Galiza nos vindeiros meses lles forzou a convocar eleccións, a incapacidade de dar unha resposta adecuada aos gobernos de Madrid, especialmente na crise do Prestige, ... estas son as cartas de presentación de Fraga para o 19 de xuño, esperemos poder comentalas diariamente durante estes 60 días en todo o Pais incluíndo este blog, e sobre todo disfrutar dunha resposta adecuada da cidadanía galega.

! Hai que Botalos !

Fraga da Pena

2005-04-02T19:23:00.000+02:00

Mentrás Manuel Fraga se prepara rexuvenecido para afrontar unha nova campaña eleitoral, un pequeno pobo portugues "Fraga da Pena" empeñase en proclamar o contrario.

San Pedro en culturagalega.org

2005-03-10T18:36:00.000+01:00

Hoxe culturagalega.org decide adicar o seu tema do día á cultura no barrio de San Pedro, non podian ter escollido outro barrio en Compostela, no paso dos anos moitos e moitas acabamos vivindo nel, e non o fixemos por azar se non buscando ese barrio de múltiples facetas que é San Pedro.

As festas do 2004 forón unha demostración máis do variopinto mundo que convivimos nel (se podedes ler en culturagalega.org o pregón de Carlos Blanco). Non se sabe se o barrio era así e por iso naceu a A Xuntanza, ou por que naceu A Xuntanza o barrio é así, pero o caso é que ten unha das asociacións veciñais máis dinámicas da cidade que está presente non só nas actividades subvencionadas, se non no día o día.

E sobre todo a súa xente: Suso´s, Concha, Farruco, Moisés, Balbi, ... moitos deles retratados no especial de hoxe, ver máis en:
http://www.culturagalega.org/temadia.php?id=5881

Volta ao Mundo de Xan e Lu

2005-03-06T19:59:00.000+01:00

"Ola a tod@!!!
Meus... non saljades da casa..o mundo estavos pata p'arriba!! Aqui, neste INMENSO pais os meus parametros sobre 'civilizacion', 'ecoloxia' e 'urbanismo' estan collendo 'novas perspectivas'...O pais evos jrande jrande jrande.. pero esta ata os topes de xente; mira que demos voltas por sitios ben remotos intentando atopar algo de 'tranquilidad' nas montanhas do Himalaya e ala onde chegamos sempre viven como minimo mil ou dous mil apinhados..." Así comeza a primeira crónica dende Manali (India) da miña amiga Lourdes e o seu compañeiro Xan según contan na magnífica web que teñen con motivo da volta ao mundo que están a facer, sen ningún outro motivo que darnos moita, moita, moita envexa. Ata Vieiros sempre atenta recolleou a súa aventura.

Que está pasando en Palestina?

2005-03-06T19:42:00.000+01:00

Tantas noticias políticas sobre Palestina fainos esquecer en moitas ocasións o que alí está pasando a diario, milleiros de persoas sobreviven como poden, sen ser recoñecidos, sen ter os máis básicos direitos, sen acceso ós seus postos de traballo, escolas ou hospitais. A última
declaración conxunta sobre o impacto do Muro sobre a saúde dos palestinos de Médicos do Mundo (Francia) - Médicos polos Dereitos Humanos (Israel) - Sociedade do Crecente Vermello (Palestina) mostra unha vez máis o campo de concentración que esta a construir o goberno de Israel. O vindeiro 15 de marzo Galiza por Palestina e o COSAL-Galiza invitamos a Maha Nassar e Juani Rishmawi a falar precisamente das condicións de vida e saúde nos territorios ocupados.

A Galicia moderna

2005-02-28T19:34:00.000+01:00

Maruja Mallo: Guía postal de Lugo, 1929.

Estes días no CGAC podemos ver unha sorprendente exposición "A Galicia moderna" "corresponde aos vinte anos que transcorren desde 1916, data da fundación na Coruña da primeira Irmandade de Amigos da Fala, asociación lingüística de carácter nacionalista que despois se transformou no Partido Galeguista, até 1936, ano no cal estoupou a guerra civil."

Grazas entre outras cousas a variedade de medios utilizados (pintura, escultura, video, maquetas, carteis, libros, escritos, mascaras, ...) consigue unha moi boa transmisión ós visitantes da riqueza deses 20 anos, quedas, eso si, coa triste sensación de ruptura que significou a guerra e a mediocridade da dictadura inmediatamente posterior, todo o que podia terse conquerido en Galiza e non foi posible.

A planta baixa remata cos coñecidos carteis sobre o estatuto de Galiza do 36; exposición que virtualmente continua nún soplo de ilusión na presentación o pasado sábado 26 do Foro do Novo Estatuto.

Xornada eleitoral en Aríns

2005-02-21T18:02:00.000+01:00

(c) capean

Poucos votantes aínda que case chegamos a media galega, moito frio a pesar de estar todo o dia pendente da estufa de leña, tan só un interventor do BNG ata o momento do reconto dos votos, noutras ocasións cheguei a ver ata cinco interventores ou apoderados do PP nesta mesma mesa.

Unha señora chega a mesa onde estaban as papeletas e empeza a mover a cabeza e canturear o que parecia unha canción, medio minuto depois animase e dirixe alternativamente o dedo ós tres montóns de papeletas, ó final para en brusco nun deles, colle a papeleta dese montón, a mete nun sobre e vai votar. O pito, pito, gorgorito quixo que votara en branco, igual que un 6,49% dos galegos e galegas.

Reflexionando

2005-02-19T17:30:00.000+01:00

Nunha estrana xornada pre-eleitoral, na que no último reparto de propaganda este pasado venres aínda tiñas que explicar que dous días depois estabamos convocados a un referedum sobre o Tratado de Contitución Europea, atopo no blog dpaso unha das mellores reflexións sobre o TCE de mán dun amigo agripallado, os procesos políticos e socias teñen diferentes fases pero a pior de todas é cando se da por rematado o proceso e se decide que o único que resta é poñer parches e facer un correcto mantemento, a partir de aí só esperar as goteiras.

Por outra parte os Protocolos e Anexos (234 páxinas) así como as Declaracións anexas (114 páxinas) suman máis de mil novos artigos, acordos, considerandos ou declaracións aínda mais intelixibles que os 448 artigos do propio Tratado, a última organización que se sumo a pedir o voto en contra foi a "asociación de opositores da provincia de Ourense".

Incendio da Torre Windsor de Madrid

2005-02-14T20:36:00.000+01:00

Incendio da Torre Windsor de Madrid, de entre todalas fotos aparecidas, esta de EFE publicada no xornal "El Mundo" e tomada dende Pozuelo de Alcorcón pareceume a máis creativa. O edificio fixosé a vez que a Constitución Española, inagurase no 1979 e agora case 30 anos despoís arde en chamas, o alcalde de Madrid fala del como un edificio vello, que agora fariase distinto, con outras medidas de seguridade, opinaran igual da Constitución?

Para os que vivimos moi perto de esa zona de Madrid, que chegamos antes de que o construiran e agora o vemos caer, non deixa de ser moi próximo.

Entroido

2005-02-08T18:36:00.000+01:00

Chegamos ó entroido tal como estabamos, algúns decidirón destaparse xa que en breve chega a cuaresma e tal como anda a igrexa teremos que recatarnos.

Bo Lacón e filloas a todos e todas.

Fraga segue a voltas có pecado

2005-02-06T19:27:00.000+01:00

Hoxe na voz de Galicia volve Fraga a falar do pecado: Non é pecado nin tampouco traizón, neste caso non se refire o uso do condón, se non polo visto a votar no próximo referendum ó Tratado de Constitución Europea. Cada vez é máis sinxelo ser do Partido Pouplar, tan só tes que "CREER" e esperar que Fraga interprete a Deus.

¿Qué pasará nesta ocasión coas monxas que aparecían a votar a primeira hora tódalas elecións? Para moitas era unha das poucas oportunidades de saír fora do convento de clausura, parece que Rouco e Fraga están por estropearlles a festa.

Rúa dos Concheiros

2005-02-06T19:09:00.000+01:00

(c) capean

Pola rúa dos concheiros pasa o Camiño de Santiago, non é unha rúa histórica, pero queda moi perto do Casco Vello, ampla e con vistas, ben comunicada e con bastante tráfico. Non é posible evitar os diversos peregríns, sobretodo algún domingo a primeira hora da mañá, neste caso foi unha peregrinación dos Pendones de León, que polo menos neste caso foron vistosos.

Mudanzas en San Pedro

2005-02-06T18:07:00.000+01:00

(c) capean

No barrio de San Pedro, sempre andamos cambiando de casa. Curiosa foto de xa fai tempo na igrexa de Santos Domingos de Bonaval, parece que mandarón desaloxar !!!